OpenAI-ის გაყიდვების ხელმძღვანელმა თანამდებობა დატოვა

OpenAI-ის გაყიდვების მიმართულების ხელმძღვანელმა, ჯეიმს დაიტმა თანამდებობა დატოვა. გავრცელებული ინფორმაციით, იგი საქმიანობას საინვესტიციო კომპანია Thrive Capital-ში გააგრძელებს. დაიტი აღნიშნულ ორგანიზაციაში რეზიდენტი ოპერატორის პოზიციას დაიკავებს. აღსანიშნავია, რომ იგი OpenAI-ის გუნდს 2023 წელს, ჩეთბოტ ChatGPT-ის პოპულარობის ზრდის პერიოდში შეუერთდა.

ჯეიმს დაიტის განმარტებით, კომპანიის დატოვებისთვის იდეალური დრო შეირჩა. იგი მიიჩნევს, რომ მან თავისი მისია შეასრულა და OpenAI-ი საკმაოდ მყარ პოზიციაზე დააყენა. სიცხადისთვის, ამჟამად სტარტაპის შეფასება $850 მილიარდამდეა გაზრდილი. როგორც ირკვევა, დაიტს ადრეულ ეტაპზე მყოფ ტექნოლოგიურ კომპანიებთან მუშაობა იზიდავს. შესაბამისად, ანალიტიკოსები არ გამორიცხავენ, რომ ის მალე Thrive Capital-ის მიერ მხარდაჭერ და დაფინანსებულ სხვა ორგანიზაციაში გადავიდეს.

დაიტის გადაწყვეტილების სხვა მიზეზებზე საუბრობს მედია. როგორც Reuters-ი წერს, გაყიდვების დეპარტამენტის ხელმძღვანელი კომპანიაში ბოლო დროს განხორციელებული საკადრო ცვლილებების ფარგლებში გაათავისუფლეს. ცნობისთვის, მანამდე თანამდებობა პროდუქტებისა და ბიზნესის ხელმძღვანელმა, ფიჯი სიმომ ჯანმრთელობის მდგომარეობის გამო დატოვა. პოსტიდან ანალოგიური მიზეზით გადადგა მარკეტინგის ხელმძღვანელი კეიტ რაუჩიც. ამას გარდა, საოპერაციო დეპარტამენტის დირექტორი ბრედ ლაითკეპი სპეციალური პროექტების მიმართულებაზე გადავიდა. OpenAI-ი Sora-ს ხელმძღვანელმა, ბილ პიბლზმა და მეცნიერების მიმართულების ვიცე-პრეზიდენტმა, კევინ ვეილმაც დატოვეს.