Pegasus-მა ქუთაისის აეროპორტიდან ფრენები ივნისშიც გააუქმა
ავიაკომპანია Pegasus-მა ქუთაისის აეროპორტიდან ფრენები ივნისის თვეშიც გააუქმა. ამის შესახებ ინფორმაციას კომპანია GASA ავრცელებს, რომელიც თურქული ბიუჯეტური ავიაკომპანიის სავაჭრო აგენტია საქართველოში.
მანამდე GASA-მ გაავრცელა ინფორმაცია, რომ Pegasus-მა საავიაციო საწვავის გამო, მაისის თვეში დაგეგმილი ფრენები გააუქმა. ივნისშიც რეისების გაუქმების მიზეზი საწვავზე გაორმაგებული ფასია, რამაც მსოფლიო საავიაციო ინდუსტრია მძიმე მდგომარეობაში ჩააგდო.
"ივნისის თვეში Pegasus Airlines-ის ქუთაისის მიმართულებით დაგეგმილი რეისები საწვავის ფასების ზრდასთან დაკავშირებული საოპერაციო გადაწყვეტილების ფარგლებში აღარ შესრულდება.ავიაკომპანია საქართველოს მიმართულებით ოპერირებას აგრძელებს თბილისისა და ბათუმის საერთაშორისო აეროპორტებიდან, ხოლო ქუთაისის მიმართულებით ფრენების განახლება ივლისის თვიდან იგეგმება", - აღნიშნულია GASA-ს მიერ გავრცელებულ ინფორმაციაში.
BM.GE
წყარო: bm.ge