პირველი ოფიციალური მონაცემებით, ფაშინიანის "სამოქალაქო კონტრაქტი" 57%-ით ლიდერობს - ცესკო

სომხეთის ცენტრალურმა საარჩევნო კომისიამ საპარლამენტო არჩევნების პირველადი ოფიციალური შედეგები გამოაქვეყნა. ამ დროისთვის შეჯამებულია 110 საარჩევნო უბნის მონაცემები, სადაც კენჭისყრაში მონაწილეობა სულ 19 654-მა ამომრჩეველმა მიიღო.

გამოქვეყნებული წინასწარი მონაცემებით, არჩევნებში ხმების უმრავლესობით (57.14%) პრემიერ-მინისტრ ნიკოლ ფაშინიანის მმართველი პარტია „სამოქალაქო კონტრაქტი“ ლიდერობს. მეორე ადგილზეა ბლოკი „ძლიერი სომხეთი“ 21.43%-ით.

ხმები პოლიტიკურ სუბიექტებს შორის ამ ეტაპზე შემდეგნაირად გადანაწილდა:

პოლიტიკური სუბიექტი ხმების რაოდენობა პროცენტული წილი „სამოქალაქო კონტრაქტი“ (ნ. ფაშინიანი) 11 073 57.14% ბლოკი „ძლიერი სომხეთი“ 4 152 21.43% ბლოკი „სომხეთი“ 1 590 8.21% „აყვავებული სომხეთი“ 988 5.10% „ერთიანობის ფრთები“ 488 2.52% „დემოკრატია, კანონი, დისციპლინა“ 231 1.19% სომხეთის მერიტოკრატიული პარტია 188 0.97% „ყველას წინააღმდეგ“ 166 0.86% რეფორმისტული პარტია „ახალი ძალა“ 113 0.58% „რესპუბლიკა“ 94 0.49% „განათლებული სომხეთი“ 88 0.45% „დემოკრატიის დამცველთა ბლოკი რესპუბლიკისათვის“ 45 0.23% „დემოკრატიული კონსოლიდაცია“ 40 0.21% „ეროვნულ-დემოკრატიული პოლუსი“ 34 0.18% „სომხეთის ეროვნული კონგრესი“ 30 0.15% „რეფორმისტების პარტია“ 22 0.11% ქრისტიან-დემოკრატიული პარტია 19 0.10% „ქოჩარი: ეროვნული აღორძინება და ერის გამოღვიძება“ 17 0.09%

სომხეთის ცენტრალურ საარჩევნო კომისიაში აცხადებენ, რომ მონაცემების განახლებისა და ხმების დათვლის პროცესი უწყვეტ რეჟიმში გრძელდება.