ქუთაისის საერთაშორისო უნივერსიტეტის აღმასრულებელ დირექტორად ვახტანგ ცაგარელი დაინიშნა

ირაკლი კობახიძის გადაწყვეტილებით, ქუთაისის საერთაშორისო უნივერსიტეტის (KIU) აღმასრულებელ დირექტორად ვახტანგ ცაგარელი დაინიშნა.

შესაბამისი განკარგულება მთავრობის ადმინისტრაციის ვებგვერდზე უკვე გამოქვეყნდა. დოკუმენტის თანახმად, ცაგარელმა აღნიშნული პოსტი 2026 წლის 11 მაისიდან, 5 წლის ვადით დაიკავა.

ცაგარელი ბოლო წლების განმავლობაში დირექტორის მოვალეობას ისედაც ასრულებდა.

იქამდე, ცაგარელი ქუთაისის საუნივერსიტეტო ქალაქის დირექტორი და ფონდ "ქართუს" პროექტების დირექტორი იყო.

ქუთაისის საერთაშორისო უნივერსიტეტი (KIU) სახელმწიფო უნივერსიტეტია, რომლის პროექტსაც ფონდი „ქართუ“ აფინანსებს. უნივერსიტეტმა სტუდენტების პირველი ნაკადი 2020 წელს მიიღო.