რა კომპონენტებისგან დგება საწვავის ფასი და როგორია კომპანიების ტრანსპორტირების ხარჯი? – „ვისოლის“ განმარტება
პლატსზე საწვავის ფასი, საზღვრამდე მიტანის ხარჯი, აქციზის გადასახადი და დღგ, ქვეყნის შიგნით ლოგისტიკის ხარჯები - ეს ის კომპონენტებია, რომელიც 1 ლიტრი საწვავის ფასს ქმნის.
ფასის მდგენელზე დღეს „ფასების საპარლამენტო კომისიაზე“ ნავთოიმპორტიორი კომპანია „ვისოლის“ გენერალურმა დირექტორმა ისაუბრა.
მან აღნიშნა, რომ საერთაშორისო ბაზარზე არსებული ვითარების გათვალისწინებით, კომპანიას ადგილობრივ ბაზარზე საწვავი ისე არ გაუძვირებია, როგორც ეს შეიძლებოდა მომხდარიყო. ამის მთავარი რესურსი კი გაყიდვების შემცირებამ და მარაგების ხანგრძლივობის ფაქტობრივად გაორმაგებამ გააჩინა.
„დღეს „პლატსზე“ საწვავის ღირებულება 1 150 დოლარია, რაც 1 ლიტრზე 2.30 ლარი გამოდის. ანუ 1150 დოლარი უნდა გავამრავლოთ ლარის დღეს არსებულ გაცვლით კურსზე ₾2.69, რაც 3 083 ლარია, გავყოთ ხვედრით წონაზე 1 350 ლიტრზე და ჩვენ მივიღებთ 2 ლარს და 30 თეთრს. ანუ პლატსზე“ 1 ლიტრი ბენზინის ფასი ყველაფერი დანამატი ხარჯების, ლოგისტიკის, დაზღვევის, ფრახტის, არაფრის გარეშე 2 ლარი და 30 თეთრია. შემდეგ საზღვრამდე მოტანისთვის რეგულარის ტიპის პროდუქტზე 60-70 დოლარი ემატება - მისი ტრანსპორტირება, გადმოტვირთვის ტარიფი, რომელიც ფოთის პორტში იხდის ყველა კომპანია და ქენინგის ტარიფი. მხოლოდ ჩვენი ზედნადები ხარჯი დაახლოებით 100-110 დოლარი უნდა ავიღოთ, რომ ის მოვიდეს და თბილისში დავასაწყობოთ. ანუ, 110 დოლარი რომ გავამრავლოთ 2.69-ზე და იგივე გავყოთ 1350-ზე, ეს გამოდის კიდევ დამატებით 22 თეთრი. ანუ, "პლატსის" 1 ლიტრი ბენზინის ფასს ₾2.30 თეთრს ემატება 77 თეთრის აქციზის გადასახადი და დავუმატოთ კიდევ დღგ. ეს გამოდის 3 ლარია დიზელში. - ჰო, ნუ ანუ საშუალოდ რომ გავასაშუალოოთ, 3 ლარი. ამას დაემატება კიდევ დღგ, საოპერაციო ხარჯები და მარჟა. გამოდის ₾3.40. აქ არის კიდევ ფასდაკლებები, რომელსაც კომპანიები 15-20 თეთრის ფარგლებში აკეთებენ. ჩვენი გაყიდვების 85% სწორედ ამ ფასდაკლებებით იყიდება“, - განმარტა ხორავამ.
„ვისოლის“ გენდირექტორი ასევე განმარტავს რა დანახარჯები აქვთ ნავთობიმპორტიორ კომპანიებს საწვავის იმპორტირების პროცესში: