როგორი იყო გასული კვირა გლობალური ბირჟებისთვის?

გასული სამუშაო კვირა ამერიკული საფონდო ბირჟისთვის დადებითი იყო, რადგან Dow Jones-ის, Nasdaq-ის და S&P500-ის ინდექსები საშუალოდ 0.5%-ით გაიზარდა.

ევროკავშირის მასშტაბით ვითარება ნეგატიური იყო და STOXX 600-ის ფლაგმანური ინდექსი თითქმის 0.5%-ით შემცირდა.

არასახარბიელო შედეგი ჰქონდა იაპონურ Nikkei 225 ინდექსს, რომელიც 3%-ით არის შემცირებული.

რაც შეეხება ენერგეტიკულ ბირჟას, Brent-ის მარკის ნავთობის ფასი 109 დოლარის ფარგლებშია, WTI კი დაახლოებით 105 დოლარად ივაჭრება, რაც ერთ კვირაში 8%-ით გაზრდილი მაჩვენებელია. რუსულ ნავთობს რაც შეეხება, ბარელი Urals-ის ფასი 96 დოლარის ფარგლებშია.

ოქროს ღირებულება გასული კვირის განმავლობაში 3.5%-ით შემცირდა და უნცია მეტალის ფასმა 4547 დოლარი შეადგინა.