როუმინგიდან კომპანიებმა ₾36 მილიონის შემოსავალი მიიღეს|რომელ ქვეყნებში ხარჯავენ ქართველები ყველაზე მეტს?
კომუნიკაციების კომისიის ინფორმაციით, სულ როუმინგული მომსახურებიდან მიღებულმა შემოსავალმა, 2025 წელს 36.2 მილიონი ლარი შეადგინა. 2024 წელთან შედარებით ზრდა ერთ მილიონ ლარს შეადგენს.
36.2 მილიონი ლარიდან გასული როუმერების მიერ დახარჯული თანხა 7 მლნ ლარს შეადგენს, ხოლო საქართველოში ჩამოსულებმა 29 მლნ ლარი დახარჯეს.
კომუნიკაციების კომისიის 2025 წლის ანგარიშის მიხედვით, ყველაზე მეტი თანხა, 2025 წელს, როუმინგულ მომსახურებაზე საქართველოდან გასულმა როუმერებმა კვლავ თურქეთში დახარჯეს, რასაც ხელს უწყობს თურქეთის, როგორც სატრანზიტო ქვეყნის გამოყენება საბოლოო დანიშნულების ადგილამდე ჩასასვლელად. გარდა ამისა, მეზობელი ქვეყანა, ასევე, წარმოადგენს ხელსაყრელ მიმართულებას მოგზაურობისთვის. მეორე პოზიციას, ამ პარამეტრით, კვლავ რუსეთის ფედერაცია იკავებს, ხოლო არაბთა გაერთიანებულმა საამიროებმა მე-5 ადგილიდან, მე-4 ადგილზე გადაინაცვლა.
ქვეყნების მიხედვით საქართველოს მოქალაქეები როუმინგზე ყველაზე მეტს ხარჯავდნენ:
• თურქეთი - 1.27 მლნ ლარი; • რუსეთის ფედერაცია - 0.79 მლნ ლარი; • გერმანია - 0.54 მლნ ლარი; • არაბეთის გაერთიანებული საამიროები - 0.44 მლნ ლარი; • იტალია - 0.43 მლნ ლარი;
რაც შეეხება ვიზიტორებს, ტრადიციულად ყველაზე მეტს როუმინგზე საქართველოში რუსეთიდან ჩამოსულები ხარჯავენ.
ტოპ-5 ქვეყანა ჩამოსული როუმერებისთვის:
• რუსეთის ფედერაცია - 2.76 მლნ ლარი; • ინდოეთი - 2.29 მლნ ლარი; • აშშ - 2.19 მლნ ლარი; • არაბეთის გაერთიანებული საამიროები - 2.1 მლნ ლარი; • საუდის არაბეთი - 2.1 მლნ ლარი;
საქართველოს მოსახლეობა და ბიზნესი ვერ სარგებლობს ევროკავშირის უფასო როუმინგის ერთიან სივრცეში ინტეგრაციის პოლიტიკით („ისარგებლე როუმინგით ისე, როგორც შენს ქვეყანაში“), რაშიც 2026 წლიდან უკრაინა და მოლდოვა ჩაერთვნენ.