რუსეთისა და აშშ-ის პრეზიდენტების წარმომადგენლები ერთმანეთს შეხვდნენ
ტელეკომპანია CNN-ის ინფორმაციით, რუსეთის პრეზიდენტის სპეციალური წარმომადგენელი და რუსეთის პირდაპირი ინვესტიციების ფონდის ხელმძღვანელი კირილ დმიტრიევი აშშ-ის პრეზიდენტის სპეციალურ წარმომადგენელ სტივ ვიტკოფსა და ამერიკის ლიდერის სიძე ჯარედ კუშნერს შეხვდა.
როგორც ირკვევა, მხარეებმა გამართულ შეხვედრაზე აშშ-რუსეთის თანამშრომლობა და უკრაინაში კონფლიქტის მშვიდობიანი მოგვარება განიხილეს.
მედია არ ავრცელებს ინფორმაციას იმის შესახებ, თუ კონკრეტულად რა საკითხები შეათანხმეს მომლაპარაკებლებმა, თუმცა ცნობილია, რომ მათ ამ შეხვედრას წინ სტივ უიტკოფისა და ჯარედ კუშნერის 5 სექტემბრის ვიზიტი უძღოდა მოსკოვში. მაშინ ამერიკელ წარმომადგენლებს რუსეთის პრეზიდენტმა ვლადიმერ პუტინმა უმასპინძლა. მომდევნო დღეს კი ისინი კიევში უკრაინის პრეზიდენტ ვოლოდიმირ ზელენსკის შეხვდნენ.
შეგახსენებთ, ამერიკის შეერთებული შტატები რუსეთ-უკრაინის კონფლიქტის მოგვარების პროცესში აქტიურადაა ჩართული და ვითარების დიპლომატიური გზით განმუხტვას ცდილობს. პროცესს უშუალოდ პრეზიდენტი დონალდ ტრამპი უძღვება, თუმცა თეთრ სახლში დაბრუნების მე-2 წელსაც კი მის მცდელობას რეალური შედეგი არ გამოუღია.
BM.GE
წყარო: bm.ge