საბავშვო ფლი მარკეტი, ვორქშოფები, თამაშები...|რა ელოდებათ ამ უქმეებზე მშობლებსა და ბავშვებს მზიურში?
30–31 მაისს, მზიურის პარკში, ბავშვებისა და უფროსებისთვის მრავალფეროვანი აქტივობები იგეგმება. კერძოდ, ბავშვთა დაცვის საერთაშორისო დღის აღსანიშნავად, „World Vision საქართველოს” თანამედროვე ხელოვნების სივრცის „კუბი კონტექსტში” და სოციალური პლატფორმა „სინათლის მანდალას” კოლაბორაციით „ბავშვთა დაცვის დღის ზეიმი" გაიმართება.
როგორც ორგანიზატორები აცხადებენ, ღონისძიების მიზანია ბავშვთა უფლებების შესახებ ცნობიერების ამაღლება და საზოგადოებისთვის შეხსენება, რომ ყველა ბავშვი იმსახურებს უსაფრთხო, ჯანსაღ, ბედნიერ ბავშვობას, რომელიც მათი სრულფასოვანი განვითარებისთვის აუცილებელია. ასევე, ღონისძიების ერთ-ერთი მთავარი მიზანია მშობლების მხარდაჭერა და გაძლიერება და ბავშვებისთვის ჯადოსნური დღეების მოწყობა. ეს ნიშნავს, რომ ღონისძიებაზე მოსულ ყველა ბავშვს და უფროსს ექნება შესაძლებლობა, სრულიად უფასოდ ჩაერთოს სხვადასხვა სესიებში, ვორქშოფებსა და თამაშებში.
კერძოდ, მშობლებს შესაძლებლობა ექნებათ დაესწრონ სხვადასხვა სპეციალისტის შემეცნებით შეხვედრებს, დასვან მათთვის მნიშვნელოვანი კითხვები და მიიღონ სასარგებლო ინფორმაცია, რომელიც პოზიტიურ მშობლობაში დაეხმარებათ. პარალელურად, პატარები ჩაერთვებიან მრავალფეროვან აქტივობებში — თამაშებში, არტთერაპიაში, შემოქმედებით და გასართობ სივრცეებში.
ყველა აქტივობა ტარდება მზიურის ქვედა სივრცეში „კუბი კონტექსტში” და მის მიმდებარე ტერიტორიაზე.
სახალისო და შემეცნებითი ვორქშოფები ბავშვებისთვის
• კითხვის საათი პატარებისთვის - „ახლა შეგიძლია მოეშვა, მოდუნდე და დაისვენო“ • „World Vision საქართველოს” შემეცნებითი თამაში ბავშვებისთვის და დისკუსია მათ უფლებებზე • პატარა ჯადოქრების სახელოსნო: წყალზე ხატვის მასტერკლასი - „ცეში“ • მხიარული სტარტები ბავშვებისთვის - „ოკტოპუს ფიტნეს კლუბი” • ბუნებარეს ტყის თავგადასავალი - თამაშები ბუნებაში გარემოს კვლევისა და კოორდინაციის განვითარებისთვის • ინტერაქტიურ სამეცნიერო სივრცე - „ცოდნის ლაბორატორია“ • „თბილისი დეტალებში“ - წიგნის კითხვა და თამაში, სადაც პატარა მკითხველები თბილისის ქუჩებში დამალულ დეტალებს ეძებენ • კომიქსის „გვირილობა“ წარდგენა და საჯარო კითხვა - ამბავი სიკეთის ყვავილსა და ადამიანებზე ზრუნვაზე • მე თვითონ! სენსორული თავგადასავალი ბავშვებისთვის - „თვითი“ • ახალი საგანმანათლებლო პროგრამა: ბუნებასთან მეგობრობა და ეკო-ცნობიერება სკოლამდელი ასაკიდან - „ეკონეკი“ • ევროკავშირის მწვანე კუთხე - ბავშვებში გარემოსდაცვითი ცნობიერების ამაღლება