სად ყიდულობს საქართველო სანთელს, რომლის იმპორტიც ძვირდება

2025 წელს საქართველოში $1.5 მილიონის ღირებულების 277 ტონა სანთლები, ცვილის წვრილი სანთლები და ანალოგიური ნაკეთობები შემოვიდა.

ოფიციალური სტატისტიკის მიხედვით შეგვიძლია ვთქვა, რომ იმპორტი მცირედით გაძვირდა, რადგან 2024 წელს თითქმის ამავე რაოდენობის სანთელში 1 მილიონ 454 ათასი დოლარი გადავიხადეთ.

სანთლების მთავარი იმპორტიორი ქვეყანა საქართველოსთვის ჩინეთია. გასულ წელს აქედან 889 ათასი დოლარის ღირებულების 197 ტონა სანთელი შემოვიდა. პირველ ხუთეულში ასევე შედიან პოლონეთი 90.5 ათასი დოლარით, ბულგარეთი 85 ათასი დოლარით, ბელგია 83 ათასი დოლარით და თურქეთი 54 ათასი დოლარით.

2026 წლის პირველ კვარტალში კი საქართველოში სულ 290.5 ათასი დოლარის ღირებულების 45 ტონა სანთლის იმპორტი მოხდა, რაც ასევე წლიურად მცირედით გაზრდილი მაჩვენებელია. წელს იანვარ-მარტის პერიოდისთვის, სანთლის მთავარი იმპორტიორი ქვეყნები ჩინეთი, ბულგარეთი და გერმანია არიან.