საფონდო ბირჟაზე ახალი რეკორდი დამყარდა

უოლ-სტრიტზე აღმასვლის ტენდენცია ისევ გრძელდება - ამერიკულმა საფონდო ბირჟამ ახალ რეკორდულ ნიშნულს მიაღწია, კერძოდ, ძირითადი ინდექსის S&P 500-ის მაჩვენებელმა 7,500 პუნქტი შეადგინა, რაც ისტორიული მაქსიმუმია.

რეკორდული შედეგი აქვს Nasdaq-ის ტექნოლოგიურ ინდექსსაც, რომელიც ამჟამად 26,630-იან ნიშნულზე იმყოფება, რაც მსხვილი კომპანიების მკვეთრი ზრდით არის განპირობებული.

აღმასვლის მიზეზს რაც შეეხება - ის, პირველ რიგში, ახლო აღმოსავლეთში კონფლიქტის დასრულების მოლოდინს და მსხვილი კომპანიების მიერ წარმოდგენილ ფინანსურ შედეგებს უკავშირდება, რომლებმაც ინვესტორების მოლოდინებს გადააჭარბეს და რეკორდული შემოსავლების მიღება შეძლეს.

ამასთან, პრეზიდენტი ტრამპი უმსხვილესი კომპანიების ხელმძღვანელებთან ერთად ჩინეთში იმყოფებოდა, სადაც ახალი სავაჭრო შეთანხმებები გაფორმდა და გარიგებები დაანონსდა.

გარდა ამისა, უოლ-სტრიტის ანალიტიკოსება და საინვესტიციო ბანკებმა S&P 500-ის და Nasdaq-ის ზრდის საპროგნოზო მაჩვენებლები არსებითად გააუმჯობესეს, რაც იმაზე მიუთითებს, რომ ექსპერტები საფონდო ბირჟის მომავალს პოზიტიურად უყურებენ.