საქართველო-აზერბაიჯანს შორის ელექტროენერგიის მიწოდება/ტრანზიტზე 20-წლიანი შეთანხმება გაფორმდა

საქართველოსა და აზერბაიჯანს შორის ელექტროენერგიის მიწოდებისა და სატრანზიტო მიმოსვლის ძირითად პირობებზე 20-წლიანი მთავრობათაშორისი შეთანხმება გაფორმდა.

მთავრობის ადმინისტრაციის ინფორმაციით, აღნიშნული დოკუმენტი იმ ფართომასშტაბიანი შეთანხმებათა პაკეტის ნაწილია, რომელიც ქვეყნებს შორის ენერგეტიკისა და ტრანსპორტის სექტორში თანამშრომლობის გაღრმავებას ითვალისწინებს.

ამავე პაკეტის ფარგლებში, 20 წლით გაგრძელდა აზერბაიჯანიდან გაზის ყიდვა-გაყიდვის 2003 წელს გაფორმებული ხელშეკრულება.

ხელმოწერის ოფიციალურ ცერემონიას პრემიერ-მინისტრი ირაკლი კობახიძე და აზერბაიჯანის პრეზიდენტი ილჰამ ალიევი დაესწრნენ. დოკუმენტებს ხელი მოაწერეს ეკონომიკის მინისტრმა მარიამ ქვრივიშვილმა, აზერბაიჯანის ეკონომიკის მინისტრმა მიქაილ ჯაბაროვმა და ენერგეტიკის მინისტრმა ფარვიზ შაჰბაზოვმა.

საქართველოს გადამცემ ხაზებს ძირითადად აზერბაიჯანის იყენებს თურქეთში ელექტროენერგიის გასაყიდად. 2025 წელს აზერბაიჯანმა თურქეთის მიმართულებით 36%-ით ნაკლები ელექტროენერგია გაიტანა, რამაც საქართველოს გავლით ელექტროენერგიის ტრანზიტი შეამცირა. შარშან ჯამში 870 მლნ კვტ.სთ დენის ტრანზიტი განხორციელდა, რაც წინა წლის მაჩვენებელთან შედარებით 19%-ით ნაკლებია. აქედან 646 მლნ კვტ.სთ აზერბაიჯანიდან თურქეთის მიმართულებით იყო,