საქართველოდან ტანსაცმლით ვაჭრობა გაიზარდა|სად გაგვაქვს და საიდან შემოგვაქვს?

საქართველოდან ტანსაცმლის ექსპორტი გაიზარდა. საქსტატის მონაცემებით, მიმდინარე წლის პირველ კვარტალში უცხოეთში 51,2 მლნ აშშ დოლარის სხვადასხვა სახის ტანსაცმელი გავიდა. შედარებისთვის, 2025 წლის ანალოგიურ პერიოდში ტანსაცმლის ექსპორტმა 45,8 მლნ აშშ დოლარი შეადგინა. ტრადიციულად ტანსაცმლის ექსპორტის უდიდესი ნაწილი თურქეთზე მოდის.

TOP-3 ტანსაცმლის საექსპორტო ბაზარი 2026 წლის პირველ კვარტალში:

• თურქეთი - 33,4 მლნ აშშ დოლარი • სომხეთი - 3,8 მლნ აშშ დოლარი • პოლონეთი - 2,6 მლნ აშშ დოლარი

ტანსაცმლის ექსპორტის პარალელურად გაზრდილია იმპორტიც. კერძოდ, მიმდინარე წლის იანვარ-მარტის პერიოდში საქართველოში 128,5 მლნ აშშ დოლარის ტანსაცმლის იმპორტია დაფიქსირებული. გასული წლის ანალოგიურ პერიოდში კი 112,1 მლნ აშშ დოლარი იყო.

TOP-3 ტანსაცმლის საიმპორტო ქვეყანა 2026 წლის პირველ კვარტალში:

• თურქეთი - 46,2 მლნ აშშ დოლარი • ჩინეთი - 21 მლნ აშშ დოლარი • ესპანეთი - 18,6 მლნ აშშ დოლარი