"სარფის" საბაჟოზე, უცხოელების მიერ "კოკაინისა" და ფსიქოტროპული წამლების შემოტანის ფაქტებზე საქმე აღიძრა

"სარფის" საბაჟოზე, უცხოელების მიერ "კოკაინისა" და ფსიქოტროპული წამლების შემოტანის ფაქტებზე საქმე აღიძრა.

შემოსავლების სამსახურის ინფორმაციით, "სარფის“ საბაჟოზე, განსაკუთრებით დიდი ოდენობით ნარკოტიკული ნივთიერებისა და ფსიქოტროპული მედიკამენტების შემოტანის მცდელობის 3 ფაქტი აღიკვეთა.

"საქართველოს საბაჟო ტერიტორიაზე შემოსული უცხო ქვეყნის მოქალაქეების, როგორც ფიზიკური, ასევე ბარგისა და მათი მართვის ქვეშ არსებული ავტომობილების დეტალური დათვალიერების შედეგად, გამოვლენილი იქნა განსაკუთრებით დიდი ოდენობით ნარკოტიკული საშუალება - ,,კოკაინი“, ასევე 145 კაფსულა (მათ შორის სხეულზე მალულად განთავსებული 44 კაფსულა) და 50 გრამი ფხვნილის სახით დაფასოებული სხვადასხვა დასახელების ფსიქოტროპული ნივთიერება.

აღნიშნულ სამართალდარღვევების ფაქტებზე გამოძიებას საქართველოს შინაგან საქმეთა სამინისტრო ახორციელებს", - წერია უწყების გავრცელებულ ინფორმაციაში.