“საუთჰემპტონი” ჩემპიონშიპის პლეი-ოფს "ჯაშუშობის" ბრალდებით ჩამოაშორეს

“საუთჰემპტონი” ჩემპიონშიფის პლეი-ოფის ფინალიდან მოხსნეს მას შემდეგ, რაც კლუბი 2025-26 წლების სეზონში მეტოქეების ჯაშუშობაში დაადანაშაულა. შედეგად, შაბათს დაგეგმილ ფინალში "ჰალ სიტის" ნაცვლად "მიდლზბროს" დაუპირისპირდება. თუმცა „საუთჰემპტონმა“ გადაწყვეტილება უკვე გაასაჩივრა.პრემიერ ლიგაში ადგილი კლუბისთვის დაახლოებით $300 მილიონამდე შემოსავალს ნიშნავს - სატელევიზიო და კომერციული უფლებებიდან მიღებული თანხების, და სპონსორების ჩათვლით.“საუთჰემპტონი” გასულ სეზონში პრემიერ ლიგიდან გავარდა, როდესაც მე-20 ადგილი დაიკავა. მიუხედავად ამისა, კლუბმა ლიგიდან დაახლოებით 109 მილიონი გირვანქა მიიღო. სხვადასხვა შეფასებით, პრემიერ ლიგის ბოლო ადგილოსანიც კი მომავალ სეზონში დაახლოებით $165 მილიონამდე შემოსავალს მიიღებს.ინგლისის საფეხბურთო ლიგამ „საუთჰემპტონი“ თავდაპირველად “მიდლზბროს” წინააღმდეგ პლეი-ოფის ნახევარფინალის პირველ მატჩამდე მეტოქის თვალთვალში დაადანაშაულა. მოგვიანებით კი კლუბს დამატებითი დარღვევებიც წაუყენეს, რომლებიც 2026 წლის აპრილში "ოქსფორდ იუნაიტედსა" და "იფსვიჩ თაუნის" წინააღმდეგ მატჩებს უკავშირდება.