SelectUSA საინვესტიციო სამიტზე 12 ქართულ კომპანიას ვუმასპინძლეთ - საელჩო
აშშ-ის საელჩო საქართველოში აცხადებს, რომ SelectUSA საინვესტიციო სამიტზე გასულ კვირას 12 ქართულ კომპანიას უმასპინძლეს.
ინფორმაციის თანახმად, ქართულმა კომპანიებმა საკუთარი გამოცდილება წარმოაჩინეს, ამერიკელ პარტნიორებთან დაამყარეს კავშირები და ამერიკელი კოლეგებისგან ინფორმაცია მიიღეს.
"შეერთებული შტატები მსოფლიოში პირდაპირი უცხოური ინვესტიციების მთავარი ადგილია და ჩვენ მზად ვართ თანამშრომლობისთვის.
გასულ კვირას, 12 ქართულ კომპანიას სიამაყით ვუმასპინძლეთ 2026 წლის SelectUSA საინვესტიციო სამიტზე, სადაც ისინი ახალ საინვესტიციო შესაძლებლობებს გაეცნენ, ტექნოლოგიური პარტნიორობები დაამყარეს და აშშ-საქართველოს შორის კომერციული კავშირები განამტკიცეს.
როგორც პირდაპირი უცხოური ინვესტიციების მოსაზიდი მთავარი ამერიკული ღონისძიება, #SelectUSA2026 წელს განსაკუთრებულ მნიშვნელობას ატარებდა, რადგან ამერიკის შეერთებული შტატების 250-ე იუბილეს დაემთხვა. ეს მნიშვნელოვანი თარიღი ჩვენი ქვეყნის ინოვაციების, სიმტკიცისა და შესაძლებლობების სულისკვეთებას ზეიმობს.
ხელოვნური ინტელექტიდან წარმოებამდე, ქართულმა კომპანიებმა საკუთარი გამოცდილება წარმოაჩინეს, ამერიკელ პარტნიორებთან დაამყარეს კავშირები და ამერიკელი კოლეგებისგან ინფორმაცია მიიღეს.
ეს მნიშვნელოვანი ღონისძიება ხელს შეუწყობს შეერთებულ შტატებსა და საქართველოს შორის ეკონომიკური კავშირების გაღრმავებას და ახალი თაობის ბიზნესპარტნიორობების მხარდაჭერას",- აღნიშნულია ინფორმაციაში.
2025 წელს აშშ-ის ვაჭრობის დეპარტამენტმა, SelectUSA საინვესტიციო სამიტზე 25 ქართველ მეწარმეს უმასპინძლა.
BM.GE
წყარო: bm.ge