"სომხეთი ევროკავშირთან უვიზო მიმოსვლას, მაქსიმუმ, 2 წელიწადში დაიწყებს" - ნიკოლ ფაშინიანი

სომხეთის პრემიერ-მინისტრ ნიკოლ ფაშინიანის განცხადებით, ქვეყანა ევროკავშირთან უვიზო მიმოსვლას მაქსიმუმ ორ წელში დაიწყებს. როგორც ქვეყნის ლიდერმა თქვა, ოფიციალურმა ერევანმა ევროკავშირში გაწევრიანების პროცესის დაწყებისთვის მუშაობა უკვე აქტიურად დაიწყო და შესაბამისი კანონიც მიიღო. შესაბამისად, სომხეთის პრემიერ-მინისტრს აქვს მოლოდინი, რომ თავსებადობის კუთხით რეფორმების გატარებას ქვეყანა, ყველაზე გვიან 2028 წელს შეძლებს. ფაშინიანის განცხადებით, ეს ნაბიჯი სომხეთის საგარეო პოლიტიკის გაძლიერებასა და ევროპულ სტრუქტურებთან დაახლოებას შეუწყობს ხელს.

მნიშვნელოვანია ითქვას, რომ სავიზო რეჟიმის ლიბერალიზაციის აუცილებლობა მოქალაქეების მხრიდან გაზრდილმა მოთხოვნამ განაპირობა. როგორც ირკვევა, 2018 წლიდან 2025 წლამდე პერიოდში სომხეთიდან ევროკავშირში მიმავალი მოქალაქეების რაოდენობა 500%-ით გაიზარდა. ამასთან, არსებული დინამიკის ფონზე, ევროპული ქვეყნების საელჩოები გაზრდილი ნაკადების მიღებას ვეღარ ახერხებენ.

ნიკოლ ფაშინიანის განმარტებით, დაგეგმილი ისტორიული ცვლილებები ქვეყნის განვითარებისთვის უმნიშვნელოვანესი იქნება. რეჟიმის სრული გამარტივების შემდეგ, სომხეთის მოქალაქეებს ევროკავშირის ტერიტორიაზე სამოგზაუროდ მხოლოდ პასპორტი დასჭირდებათ.