"სომხეთი რუსული სამხედრო ბაზის გაყვანას არ შეეწინააღმდეგება" - ნიკოლ ფაშინიანი
სომხეთი ქვეყნის ტერიტორიიდან რუსული სამხედრო ბაზის გაყვანას არ შეეწინააღმდეგება. როგორც ირკვევა, მთავრობის სხდომის შემდეგ გამართულ ბრიფინგზე ეს განცხადება პრემიერ-მინისტრმა ნიკოლ ფაშინიანმა გააჟღერა.
მთავრობის მეთაურმა აღნიშნა, რომ ოფიციალურ ერევანს ეს საკითხი დღის წესრიგში არასდროს დაუყენებია. თუმცა, ფაშინიანმა ხაზგასმით განმარტა, რომ 102-ე სამხედრო ბაზის ყოფნას სახელმწიფო სასიცოცხლო აუცილებლობად აღარ მიიჩნევს. პრემიერ-მინისტრის თქმით, თუ მოსკოვი ქვეყანაში დარჩენის სურვილს გამოხატავს, ერევანი პროცესის განსახილველად სრულ მზადყოფნას გამოაცხადებს.
შეგახსენებთ, ბიშკეკში სომხეთის პრემიერ-მინისტრთან გამართული შეხვედრის შემდეგ ამ თემას რუსეთის პრეზიდენტი ვლადიმერ პუტინი შეეხო და განაცხადა, რომ მოსკოვს ერევნისთვის საკუთარი სამხედრო ინტერესების თავს მოხვევა არ სურს. პუტინის განცხადებით, თუ სომხური მხარე სამხედრო ობიექტის არსებობას საჭიროდ აღარ ჩათვლის, რუსული კონტინგენტი ტერიტორიას დაუყოვნებლივ დატოვებს.
BM.GE
წყარო: bm.ge