სომხეთში მთავრობის ახალი შემადგენლობა დაამტკიცეს
სომხეთის პრემიერ-მინისტრის, ნიკოლ ფაშინიანის წარდგინებითა და პრეზიდენტ ვაჰაგნ ხაჩატურიანის ბრძანებით, სომხეთის მთავრობის შემადგენლობა დამტკიცდა.
სომხეთის მთავრობა კონსტიტუციით გათვალისწინებული სტანდარტული პროცედურით, 2 აგვისტოს გადადგა, რაც ახალი საკანონმდებლო ორგანოს მუშაობის დაწყებას უკავშირდება.
„არმენპრესის“ ინფორმაციით, ბრძანებები სომხეთის რესპუბლიკის პრეზიდენტის ოფიციალურ ვებგვერდზე გამოქვეყნდა. მინისტრების უმრავლესობა საკუთარ თანამდებობებზე ხელახლა დაინიშნა.
მხითარ ჰაირაპეტიანი მაღალი ტექნოლოგიების მრეწველობის მინისტრის თანამდებობაზე აღარ დაუნიშნავთ. როგორც პრემიერ-მინისტრმა ნიკოლ ფაშინიანმა მანამდე განაცხადა, მხითარ ჰაირაპეტიანმა მთავრობაში მუშაობის გაგრძელება თავად არ ისურვა. შესაბამისად, მაღალი ტექნოლოგიების მრეწველობის მინისტრად დავით თადევოსიანი დაინიშნა.
თანამდებობები შეინარჩუნეს:
• თავდაცვის მინისტრმა სურენ პაპიკიანმა • შინაგანი საქმეთა მინისტრმა არპინე სარქისიანმა • საგარეო საქმეთა მინისტრმა არარატ მიზოიანმა • ტერიტორიული მართვისა და ინფრასტრუქტურის მინისტრმა დავით ხუდათიანმა • გარემოს დაცვის მინისტრმა ამბარცუმ მათევოსიანმა • ჯანდაცვის მინისტრმა ანაიტ ავანესიანმა • განათლების, მეცნიერების, კულტურისა და სპორტის მინისტრმა ჟანა ანდრეასიანმა • იუსტიციის მინისტრმა სრბუი გალიანმა • შრომისა და სოციალურ საკითხთა მინისტრმა არსენ თოროსიანმა • ეკონომიკის მინისტრმა გევორგ პაპოიანმა • ფინანსთა მინისტრმა ვაჰე ჰოვანისიანმა • ვიცე-პრემიერებმა: მჰერ გრიგორიანმა და ტიგრან ხაჩატრიანმა
BM.GE
წყარო: bm.ge