„სტუდფესტი 2026“-ის ჩასატარებლად ბიუჯეტიდან ₾662 ათასი დაიხარჯა - განკარგულება
„სტუდფესტი 2026“-ის ჩასატარებლად წელს ბიუჯეტიდან 662 108 ლარი დაიხარჯა. ამის შესახებ ირაკლი კობახიძის ხელმოწერილი განკარგულებიდან ხდება ცნობილი.
დოკუმენტის მიხედვით, მთავრობამ განათლების სამინისტროში შემავალ სსიპ საქართველოს სტუდენტული ორგანიზაციების ასოციაციას თანხის გამოყოფა „ახალგაზრდობის ხელშეწყობის“ პროგრამისთვის გათვალისწიენბული ასიგნებებიდან დაავალა.
განათლების სამინისტროს მიერ გავრცელებული ინფორმაციით, წელს “სტუდფესტი 2026” 1 მაისს გაიმართა. ღონისძიების ფარგლებში მთელი საქართველოს მასშტაბით მრავალფეროვანი სპორტული ტურნირები, საგანმანათლებლო, შემეცნებითი და კულტურული აქტივობები გაიმართა. ფესტივალში 20 000-ზე მეტმა სტუდენტმა მიიღო მონაწილეობა.
“სტუდფესტი 2026” საქართველოს განათლების, მეცნიერებისა და ახალგაზრდობის სამინისტროს ინიციატივით, სსიპ ახალგაზრდობის სააგენტოს დაფინანსებით ტარდება. ორგანიზატორები არიან: თბილისის მერია, რუსთავის მერია და საქართველოს სტუდენტური ორგანიზაციების ასოციაცია.
BM.GE
წყარო: bm.ge