თელავში მართვის მოწმობის პრაქტიკული გამოცდები სტიქიის გამო გადაიდო
BM.GE|bm.ge
თელავში განვითარებული სტიქიური მოვლენებისა და ინფრასტრუქტურის დაზიანების გამო, 13 ივლისს მართვის მოწმობის პრაქტიკული გამოცდები არ ჩატარდება. ინფორმაციას ამის შესახებ შინაგან საქმეთა სამინისტროს მომსახურების სააგენტო ავრცელებს.
უწყების განმარტებით, შეზღუდვა შეეხება როგორც პრაქტიკული გამოცდის პირველ ეტაპს (მოედანს), ისე მეორე ეტაპს (ქალაქს).
მომსახურების სააგენტოში აცხადებენ, რომ მოქალაქეებს, რომლებსაც გამოცდა ამ დღეს ჰქონდათ დაგეგმილი, უწყების წარმომადგენლები ინდივიდუალურად დაუკავშირდებიან და ახალ თარიღს შეუთანხმებენ.
„პრაქტიკული გამოცდის განახლებისა და სააგენტოს სხვა მომსახურებებთან დაკავშირებით დამატებით ინფორმაციას საზოგადოებას მოგვიანებით ვაცნობებთ“, - აღნიშნულია გავრცელებულ განცხადებაში.
გაზიარება:
BM.GE
წყარო: bm.ge