იაპონია საბაზო ინფლაცია 2.7%-მდე გაიზარდა

იაპონიის დედაქალაქში წლიური საბაზო ინფლაცია სექტემბერში ბოლო ათი თვის განმავლობაში ყველაზე მაღალ ნიშნულამდე გაიზარდა.

ანალიტიკოსების შეფასებით, ფასების მზარდი წნეხი ქვეყნის ცენტრალურ ბანკს საპროცენტო განაკვეთის შემდგომ ზრდას აიძულებს. ფინანსური ბაზრის ექსპერტების შეფასებით, სამომხმარებლო კალათის გაძვირებას ქვეყნის მასშტაბით ფასების დინამიკაზე პირდაპირი გავლენა ექნება.

რაც შეეხება დეტალებს, სურსათის გამოკლებით ტოკიოს საბაზო სამომხმარებლო ფასების ინდექსი წლიურად 2.7%-ით გაიზარდა. ახალმა მაჩვენებელმა ანალიტიკოსების მიერ პროგნოზირებულ 2.4%-იან ნიშნულს საგრძნობლად გადააჭარბა. შედარებისთვის, აგვისტოში ფასების მატებამ მხოლოდ 1.8% შეადგინა. ამასთან, სურსათისა და ენერგორესურსების გარეშე გაანგარიშებული ინდექსი წლიურად 3.0%-მდე გაიზარდა.

რაც შეეხება იაპონიის ცენტრალური ბანკის შემდგომ ნაბიჯებს, უწყება ახალ მონაცემებს 29-30 ოქტომბერს დაგეგმილ სხდომაზე კვარტალური პროგნოზების განახლებისას გაითვალისწინებს.

ცნობისთვის, ტოკიოს ინფლაციის მაჩვენებელი იაპონიაში ფასების საერთო ტენდენციის წამყვან ინდიკატორად მიიჩნევა. ამ პარამეტრმა მარეგულირებლის 2%-იან სამიზნე ნიშნულს წელს პირველად გადააჭარბა.