წელს ევროპის დღე მხოლოდ საზეიმო აღნიშვნა არ არის, ეს არის შეხსენება, რომ ევროპა ყოველთვის იყო საქართველოს ისტორიის ნაწილი - ჰერჩინსკი

"წელს ევროპის დღე საქართველოში მხოლოდ საზეიმო აღნიშვნა არ არის, ეს არის შეხსენება, რომ ევროპა ყოველთვის იყო საქართველოს ისტორიის ნაწილი", - ამის შესახებ ევროკავშირის ელჩმა საქართველოში პაველ ჰერჩინკიმ 9 მაისთან დაკავშირებით გამოქვეყნებულ ვიდეოში განაცხადა.

"მალე ეს ადგილი დაუვიწყარ სივრცედ გარდაიქმნება. ამ პავილიონში ჩვენი წევრი ქვეყნები წარმოადგენენ თავიანთ კულტურას, ინოვაციებს და ყველაფერ იმას, რაც უნიკალურს ხდით.

ამ პავილიონში გელით უამრავი შესაძლებლობა ახლის შესაცნობად, ბევრი აქტივობა პატარებისთვის და მნიშვნელოვანი საუბრები სცენაზე. გსურთ გახდეთ ჩვენი ახალი პოდკასტის ნაწილი?

წელს ევროპის დღე საქართველოში მხოლოდ საზეიმო აღნიშვნა არ არის, ეს არის შეხსენება, რომ ევროპა ყოველთვის იყო საქართველოს ისტორიის ნაწილი. მე-11 პავილიონში აღმოაჩენთ პროექტებს, რომლებიც მომავალს ქმნიან. გარეთ კი დაგხვდებათ მეწარმეების მარკეტი და კვების ზონა, სადაც ევროპული და ქართული გემოები ერთიანდება. დღის ბოლოს კი გელით განსაკუთრებული კონცერტი, რომელიც არ უნდა გამოტოვოთ. შემოგვიერთდით 9 მაისს, „ექსპო ჯორჯიაში“. ერთად აღვნიშნოთ ევროპის დღე", - განაცხადა ევროკავშირის ელჩმა საქართველოში.