წელს, საქართველოდან ცხოველების საკვები ექსპორტზე 7 ქვეყანაში გავიდა - ვაჭრობა გაიზარდა

2026 წლის იანვარ-აპრილში ცხოველების საკვებად გამოსაყენებელი პროდუქტების ექსპორტი და იმპორტი გაიზარდა. საქართველო ძირითადად ამ საქონლის იმპორტიორია, თუმცა 2019 წლიდან გააქტიურდა ექსპორტიც.

წელს საზღვარგარეთ საქართველოდან გადაზიდვები 84.6%-ით, 4 მილიონ 233 ათას დოლარამდე გაიზარდა და ქვეყნიდან საზღვარგარეთ 6 869 ტონა პროდუქტი გავიდა. ეს ძირითადად ადგილობრივად წარმოებული პროდუქტია. ამასთან, ექსპორტის დიდი ნაწილი სხვა ცხოველებისთვის განკუთვნილ საკვებზე მოდის, რაც 9 მილიონ დოლარს შეადგენს, ხოლო ძაღლებისა და კატების საკვების ღირებულება მხოლოდ 1.2 მლნ დოლარი იყო.

ამ პერიოდში ცხოველების საკვები ექსპორტზე მხოლოდ 7 ქვეყანაში გავიდა. მათ შორის ყველაზე მეტი სომხეთში. ექსპორტიორი ქვეყნების რეიტინგი ასეთია:

• სომხეთი - $2.9 მლნ, 5 216 ტონა; • უზბეკეთი - $558 ათასი, 803 ტონა; • აზერბაიჯანი - $530 ათასი, 618 ტონა; • ყაზახეთი - $130 ათასი, 164 ტონა; • ერაყი - $42 ათასი, 22 ტონა; • მოლდოვა - $34 ათასი, 41 ტონა; • ბელარუსი - $12.5 ათასი, 3 ტონა;

2025 წელს ჯამურად ცხოველების საკვების ექსპორტი 35.6%-ით, 10.3 მლნ დოლარამდე გაიზარდა.

რაც შეეხება იმპორტს, წლის პირველ 4 თვეში საქართველომ 17 მილიონ 119 ათასი დოლარის 11 102 ტონა ცხოველების საკვები შეიძინა, რაც წლიურად 15.1%-ით გაზრდილი მაჩვენებელია. უნდა აღინიშნოს, რომ იმპორტის დიდი ნაწილი ძალებისა და კატებისთვის განკუთვნილ საკვებზე მოდის - $9.8 მლნ, სხვა ცხოველების საკვების იმპორტი კი $7.3 მილიონია.

ცხოველების საკვების მთავარი მომწოდებელი თურქეთი და რუსეთი არიან. უმსხვილესი ქვეყნების რეიტინგი კი საიდანაც პროდუქტი შემოგვაქვს ასეთია:

• თურქეთი - $2.7 მლნ, 2 580 ტონა; • რუსეთი - $1.7 მლნ, 1 041 ტონა; • იტალია - $1.6 მლნ, 929 ტონა; • პოლონეთი - $1.4 მლნ, 835 ტონა; • საფრანგეთი - $1.2 მლნ, 442 ტონა; • გერმანია - $1 მლნ, 549 ტონა; • ესპანეთი - $887 ათასი, 552 ტონა; • ბელგია - $865 ათასი, 616 ტონა; • პორტუგალია $830 ათასი, 902 ტონა; • უკრაინა - $804 ათასი, 462 ტონა;

2025 წელს ცხოველების საკვების იმპორტი 15.6%-ით, 54.3 მლნ დოლარამდე გაიზარდა.