წელს, საქართველომ სპაგეტის და სხვა მაკარონის ნაწარმში $8.6 მლნ გადაიხადა|სად ვყიდულობთ?

2026 წლის იანვარ-აპრილში საქართველოში სპაგეტის, მაკარონის, ვერმიშელისა და მაკარონის სხვა ნაწარმის იმპორტი მცირედით გაიზარდა. ოფიციალური სტატისტიკის მიხედვით, იმპორტის საერთო ღირებულებამ 8.6 მლნ აშშ დოლარი შეადგინა, რაც წინა წლის ანალოგიურ პერიოდთან შედარებით 7.2%-ით მეტია. კერძოდ, 2025 წლის იანვარ-აპრილში აღნიშნული პროდუქციის იმპორტის ღირებულება 8 მლნ დოლარი იყო.

გაიზარდა იმპორტირებული პროდუქციის მოცულობაც. 2025 წელს საქართველოში 7 129 ტონა მაკარონის ნაწარმი შემოვიდა, ხოლო 2026 წელს - 7 416 ტონა. მატებამ 286.8 ტონა, ანუ დაახლოებით 4% შეადგინა.

საქართველოში მაკარონის ნაწარმის მთავარი იმპორტიორი ქვეყანა რუსეთია, საიდანაც 3.6 მლნ დოლარის ღირებულების 2 935 ტონა პროდუქცია შემოვიდა. მეორე ადგილზე იტალიაა - 1.9 მლნ დოლარი და 1 465 ტონა.

TOP-10 იმპორტიორი ქვეყანა ასე ნაწილდება:

• რუსეთი - $3.6 მლნ, 2 935 ტონა; • იტალია - $1.9 მლნ, 1 465 ტონა; • აზერბაიჯანი - $913 ათასი, 1 605 ტონა; • თურქეთი - $810 ათასი, 820 ტონა; • პოლონეთი - $291 ათასი, 39 ტონა; • ბელარუსი - $240 ათასი, 83 ტონა; • ყაზახეთი - $156 ათასი, 187 ტონა; • უზბეკეთი - $132 ათასი, 61 ტონა; • უკრაინა - $116 ათასი, 51 ტონა; • ჩინეთი - $72 ათასი, 36 ტონა.