ტულსი გაბარდი აშშ-ის ეროვნული დაზვერვის დირექტორის პოსტიდან გადადგა
აშშ-ის ეროვნული დაზვერვის დირექტორი ტულსი გაბარდი თანამდებობიდან გადადგა. არსებული ინფორმაციით, იგი პრეზიდენტ დონალდ ტრამპს თეთრი სახლის ოვალურ კაბინეტში შეხვდა და საკუთარი გადაწყვეტილების შესახებ პირადად აცნობა.
Fox News Digital-ის ცნობით, გაბარდის გადადგომის გადაწყვეტილება ძალაში მიმდინარე წლის 30 ივნისს შევა.
გაბარდმა გამოაქვეყნა საჯარო წერილიც, რომელშიც სახელმწიფოს მეთაურს გამოცხადებული ნდობისა და წელიწად-ნახევრის განმავლობაში უწყების ხელმძღვანელობის შესაძლებლობისთვის მადლობას უხდის.
აღსანიშნავია, რომ ტულსი გაბარდმა თანამდებობის დატოვების მთავარ მიზეზად მეუღლის ჯანმრთელობის მდგომარეობა დაასახელა. ოფიციალური წერილის თანახმად, მის ქმარს ძვლის იშვიათი სიმსივნის დიაგნოზი დაუსვეს. გაბარდის განცხადებით, იგი მეუღლეს ამ მძიმე ბრძოლაში მარტო ვერ დატოვებს და საპასუხისმგებლო პოზიციაზე მუშაობას ვეღარ გააგრძელებს.
BM.GE
წყარო: bm.ge