UFC 333-ის ბილეთების ფასები 8 700 დოლარს აღწევდა - დეტალები აბუ-დაბის ტურნირის შესახებ

ოფიციალური მონაცემებით, აბუ-დაბიში, Etihad Arena-ზე გამართული UFC 333-ის ბილეთების ფასი 373 დოლარიდან დაახლოებით 8 700 დოლარამდე მერყეობდა. ღირებულება ადგილების კატეგორიის მიხედვით განისაზღვრებოდა.

კატეგორია ფასი (AED) დაახლოებით აშშ დოლარში Category 8 1,368 $373 Category 7 2,420 $659 Category 6 4,210 $1,146 Category 5 7,893.75 $2,148 Category 4 14,735 $4,009 Category 3 18,000 $4,899 Category 2 25,000 $6,807 Category 1 32,000 $8,713

რაც შეეხება ღონისძიების ფინანსურ მხარეს, საჯაროდ ხელმისაწვდომი მონაცემები არ იძლევა საშუალებას, განისაზღვროს UFC 333-ის სრული ბიუჯეტი, რომელიც მებრძოლების ჰონორარებთან ერთად არენის, წარმოების, უსაფრთხოებისა და სხვა საოპერაციო ხარჯებსაც მოიცავს.

არაბთა გაერთიანებული საამიროების სახელმწიფო საინფორმაციო სააგენტო WAM-ის ცნობით, ღონისძიება აბუ-დაბის კულტურისა და ტურიზმის დეპარტამენტთან პარტნიორობით ჩატარდა.

შეგახსენებთ, რომ 24 ოქტომბერს გამართული UFC 333-ის ერთ-ერთი მთავარი დაპირისპირება ქართველი მებრძოლის, მერაბ დვალიშვილისა და პიოტრ იანის მესამე შეხვედრა იყო. დვალიშვილი ოქტაგონზე UFC-ის სუპერმსუბუქი წონის საჩემპიონო ქამრის დასაბრუნებლად გავიდა, თუმცა ხუთ რაუნდიანი ბრძოლის შემდეგ მსაჯების ერთსულოვანი გადაწყვეტილებით დამარცხდა. სამივე მსაჯმა გამარჯვება იანს, ანგარიშით 48:47, მიანიჭა. შედეგად, იანმა საჩემპიონო ტიტული შეინარჩუნა.