აშშ-ის საჰაერო დარტყმების შედეგად ირანში 50 ადამიანი დაიღუპა

CNN ირანის ჯანდაცვის სამინისტროზე დაყრდნობით ავრცელებს ინფორმაციას, რომ ბოლო ერთი დღის განმავლობაში აშშ-ის საჰაერო დარტყმების შედეგად ირანში სულ მცირე 12 ადამიანი დაიღუპა.

სამინისტროს პრესსპიკერმა ჰოსეინ კერმანპურმა განაცხადა, რომ აშშ-ის განახლებული დაბომბვების კამპანიას სულ მცირე 50 ადამიანი ემსხვერპლა, მათ შორის 12 - ბოლო 24 საათში.

სამინისტროს პრესსპიკერის ინფორმაციით, დაღუპულთა შორის ხუთი ქალი და ორი ბავშვია.

ირანის ერთ-ერთმა მაღალჩინოსანმა სამხედრო მრჩეველმა თქვა, რომ თუ აშშ შაბათ-კვირის განმავლობაში იერიშებს გააგრძელებს, შესაძლოა "სრულმასშტაბიანი შეტევის" წინაშე აღმოჩნდეს.

აშშ-ის სამხედროების მიერ განხორციელებული ზედიზედ შვიდი ღამის საჰაერო დარტყმების შემდეგ, ირანმა დრონებითა და რაკეტებით შეტევების ახალი ტალღები წამოიწყო იმ ქვეყნების წინააღმდეგ, სადაც ამერიკული სამხედრო ბაზებია განთავსებული. რეგიონულმა მოკავშირეებმა ახალი თავდასხმები მოიგერიეს და დღეს დილით განგაშიც გამოცხადდა.