Politico: ზემო ლარსის გავლით საქართველოში რუსეთის 113 000-ზე მეტი მოქალაქე შევიდა

Politico-ს ინფორმაციით, რუსეთის სამხრეთ საზღვარზე, საქართველოს მიმართულებით, კვლავ ნაცნობი მასობრივი გადინების სურათი იკვეთება. ინფორმაციის თანახმად, ზემო ლარსის გამშვები პუნქტის გავლით რუსეთის ფედერაცია გასულ კვირას 113 000-ზე მეტმა მოქალაქემ დატოვა.

"113 000-ზე მეტი ადამიანი გავიდა ე.წ. ზემო ლარსის საკონტროლო-გამშვები პუნქტის გავლით - გადაადგილების ასეთი მკვეთრი ზრდა ასახავს მზარდ შიშს, რომ კრემლი ახალი მობილიზაციის კამპანიის გამოცხადებას გეგმავს", - წერს გამოცემა.

როგორც ცნობილია, ბოლო თვეებში კრემლმა სამხედრო სამსახურში გაწვევის მიზნით სულ უფრო აგრესიული ზომები მიიღო, გააძლიერა რეზერვისტების შესახებ მონაცემების შეგროვება და გააფართოვა ეროვნული გვარდიის უფლებამოსილებები. ყოველივე ეს კიდევ უფრო აძლიერებს ვარაუდებს, რომ შესაძლოა მორიგი სამხედრო მობილიზაცია გამოცხადდეს.