20-წლამდელთა საერთაშორისო სერიის დასკვნით შეხვედრაში უმცროსი „ბორჯღალოსნები“ დღეს, 16:30 საათზე, სამხრეთ აფრიკის ნაკრებს დაუპირისპირდება
იმედი|imedinews.ge
სამხრეთ აფრიკაში მიმდინარე 20-წლამდელთა საერთაშორისო სერიის დასკვნით შეხვედრას უმცროსი „ბორჯღალოსნები“ დღეს ჩაატარებენ.
ვიტო კოლელიშვილის მომზადებული გუნდი მსოფლიოს მოქმედ ჩემპიონს, სამხრეთ აფრიკას ეთამაშება. ქართველი მორაგბეები ჯუნიორ ბოკეს წელს უკვე ორჯერ შეხვდნენ.
აფრიკელებმა თებერვალში რუსთავსა და თბილისში ამხანაგური შეხვედრები მოიგეს, ხოლო მეოთხედ ერთმანეთს მსოფლიო რაგბის ახალგაზრდული ჩემპიონატის ფარგლებში, 2 ივლისსაც ეთამაშებიან.
საერთაშორისო სერიაზე გუნდებმა ორ-ორი გამარჯვება მოიპოვეს. უმცროსმა ბორჯღალოსნებმა ფიჯის 29-23, ხოლო ჩილეს 59-26 სძლიეს.
დღევანდელი მატჩი თბილისის დროით 16:30 საათზე დაიწყება.
გაზიარება:
IM
იმედი
წყარო: imedinews.ge