BTS-ის ახალი ალბომი Billboard 200-ის ლიდერი გახდა

სამხრეთკორეული ჯგუფის, BTS-ის ალბომის, ARIRANG-ის დებიუტი Billboard 200-ის ჩარტში პირველ ადგილზე შედგა. ეს კოლექტივის უკვე მეშვიდე ალბომია, რომელმაც ამ რეიტინგის ლიდერი გახდა.

პირველ კვირაში რელიზმა 641 000 ალბომის ეკვივალენტური ერთეული დააგროვა - ეს ჯგუფისთვის საუკეთესო შედეგია 2014 წლის შემდეგ, როდესაც Billboard-მა სტრიმინგისა და გაყიდვების ერთობლივად აღრიცხვა დაიწყო. აქედან 532 000 ალბომის „სუფთა“ გაყიდვებია, რაც ბოლო ათწლეულზე მეტი ხნის განმავლობაში ჯგუფებს შორის ყველაზე მაღალი მაჩვენებელი გახდა.

ალბომმა ძლიერი შედეგები აჩვენა ერთდროულად ყველა მეტრიკაში:

სტრიმინგი: დაახლოებით 99 მილიონი მოსმენა.

ფიზიკური გაყიდვები: 500 000-ზე მეტი ასლი, ვინილისა და CD-ს ჩათვლით.

ვინილი: 208 000 ეგზემპლარი - ერთ-ერთი უდიდესი მაჩვენებელი თანამედროვე ისტორიაში.

ARIRANG-ის რელიზი აგრძელებს BTS-ის წარმატებული ალბომების სერიას, რომელთა შორისაა Proof, BE და MAP OF THE SOUL: 7 - ყველა მათგანმა ადრე ასევე პირველი ადგილი დაიკავა.

ARIRANG-ის გამოსვლას მასშტაბური პრომოკამპანია ახლდა: გლობალური შოუ Netflix-ზე, გამოსვლები გადაცემაში The Tonight Show Starring Jimmy Fallon, სინგლის „SWIM“ გამოშვება რელიზის დღეს.

9 აპრილს სტარტს აიღებს BTS-ის მსოფლიო ტური, რომლის ფარგლებშიც 82 კონცერტია დაგეგმილი.