POLITICO: ევროკავშირის წევრი ქვეყნები ბლოკში უკრაინის გაწევრიანებას ეწინააღმდეგებიან
ევროკავშირის წევრი სახელმწიფოები ბლოკში უკრაინის მისაღებად მზად არ არიან. სტატიას ამ შინაარსით POLITICO აქვეყნებს.
როგორც გამოცემა იუწყება, ევროკომისიის პრეზიდენტის, ურსულა ფონ დერ ლაიენის გეგმას, რომელიც ევროკავშირის გაფართოებას უკრაინის ხარჯზე გულისხმობს, მკაცრი მოწინააღმდეგეები გამოუჩნდნენ.
უკრაინის გაწევრიანების წინააღმდეგ ერთ-ერთ მიზეზად იაფი უკრაინული მუშახელის შესვლა სახელდება. გარდა ამისა, როგორც POLITICO წერს, ევროკავშირის წევრ სახელმწიფოებს პოპულისტების გაძლიერების, რეფერენდუმების რისკის ზრდისა და უნგრეთის ნეგატიური გამოცდილების გამეორების ეშინიათ.
გამოცემა აღნიშნავს, რომ ევროკავშირში უკრაინის დაჩქარებული გაწევრიანების წინააღმდეგ ბლოკის უმსხვილესი ქვეყნები - საფრანგეთი, გერმანია, ნიდერლანდები და იტალია გამოდიან.
როგორც POLITICO აღნიშნავს, ევროკავშირის გაფართოების საკითხი კვიპროსში გასამართ სამიტზე უნდა განეხილათ, თუმცა, როგორც წყარომ გამოცემას განუცხადა, ის დღის წესრიგშიც კი არ არის შეტანილი.
იმედი
წყარო: imedinews.ge