შარლ მიშელმა ურსულა ფონ დერ ლაიენი თურქეთის შესახებ გაკეთებული განცხადების გამო გააკრიტიკა

ევროპული საბჭოს ყოფილმა პრეზიდენტმა, შარლ მიშელმა ევროკომისიის პრეზიდენტი, ურსულა ფონ დერ ლაიენი გააკრიტიკა.

მიშელი სოციალურ ქსელ X-ში ურსულა ფონ დერ ლაიენის რამდენიმე დღის წინანდელ განცხადებას ეხმიანება, რომელშიც მან თურქეთი რუსეთთან და ჩინეთთან ერთად პოტენციურ საფრთხედ მოიხსენია.

შარლ მიშელი წერს, რომ თურქეთი ნატოს მნიშვნელოვანი მოკავშირეა, ასევე, მიგრაციის კუთხით საკვანძო პარტნიორი, წარმოადგენს ენერგოდერეფანს და ევროპულ ფლანგზე თავდაცვის უმსხვილესი პოლიტიკური აქტორია.

ევროპული საბჭოს ყოფილი პრეზიდენტის თქმით, ორმაგი სტანდარტების დაწესებითა და რეალობის გამარტივებით, ევროპა ვერ გაძლიერდება.

.@vonderleyen: Türkiye is: - a core #NATO ally, - a key migration partner, - an energy corridor, - a major defence actor on Europe’s flank, - and a serious regional power. Europe doesn’t get stronger by applying double standards or simplifying reality. https://t.co/gjbtaSR9GV — Charles Michel (@CharlesMichel) April 22, 2026