ვებინარი თემაზე „ემპათიური კლასი - როგორ უზრუნველვყოთ მხარდამჭერი გარემო სკოლაში“

სსიპ მასწავლებელთა პროფესიული განვითარების ეროვნული ცენტრის „ინკლუზიური განათლების ხელშეწყობის“ პროგრამის ფარგლებში 30 მარტს, 18:00 საათზე გაიმართება ონლაინ ვებინარი თემაზე: „ემპათიური კლასი - როგორ უზრუნველვყოთ მხარდამჭერი გარემო სკოლაში“. ინფორმაციას მასწავლებელთა პროფესიული განვითარების ეროვნული ცენტრი ავრცელებს.

ვებინარში მონაწილეობის მიღება შეუძლია ნებისმიერ მსურველს Microsoft TEAMS-ის პლატფორმის ბმულის გამოყენებით:

https://teams.microsoft.com/meet/4185135905012?p=a472rR4q2H1dmzlqVc

ვებინარის ფარგლებში განხილული იქნება ისეთი მნიშვნელოვანი საკითხები, როგორებიცაა: ემპათია კლასში, სტიგმა, დისკრიმინაცია და მისი პრევენცია. მონაწილეებს შესაძლებლობა ექნებათ, ეფექტური კომუნიკაციისა და კონფლიქტების მართვის პრაქტიკული ინსტრუმენტების გამოყენების მიმართულებით გაიღრმაონ ცოდნა.

ვებინარის ფასილიტატორია „ინკლუზიური განათლების ხელშეწყობის“ პროგრამის კონსულტანტი ნათია შერბაკოვა, მომხსენებელი - ფსიქოლოგი, ფსიქოთერაპევტი ნინო ბუაძე.