შალვა პაპუაშვილი პარლამენტის წევრებთან ერთად, სიონის საკათედრო ტაძარში პარაკლისს და პანაშვიდს დაესწრო

პარლამენტის თავმჯდომარე შალვა პაპუაშვილი პარლამენტის წევრებთან ერთად, სიონის საკათედრო ტაძარში იმყოფებოდა, სადაც საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ პარაკლისი და პანაშვიდი გადაიხადა.

დღეს, საქართველოს კათოლიკოს-პატრიარქის, უწმინდესის და უნეტარესის ილია II-ის გარდაცვალებიდან მეცხრე დღე შესრულდა. 25 მარტს, საქართველოს სამოციქულო მართლმადიდებელი ეკლესია ავტოკეფალიის აღდგენის დღეს აღნიშნავს. ამასთან დაკავშირებით, საპატრიარქო ტახტის მოსაყდრემ, მღვდელმთავრებთან ერთად, პარაკლისი აღავლინა და მისი უწმინდესობისა და უნეტარესობის ილია II-ის სულის მოსახსენიებელი პანაშვიდი გადაიხადა.

სიონის ტაძარში, საკანონმდებლო ორგანოს წარმომადგენლებთან ერთად, პრემიერ-მინისტრი ირაკლი კობახიძე, პრეზიდენტი მიხეილ ყაველაშვილი, აღმასრულებელი ხელისუფლების და წმინდა სინოდის წევრები იმყოფებოდნენ.

სრულიად საქართველოს კათოლიკოს-პატრიარქი, უწმინდესი და უნეტარესი ილია II 17 მარტს, 93 წლის ასაკში გარდაიცვალა. პატრიარქი 22 მარტს, სიონის საპატრიარქო ტაძარში დაკრძალეს.

ინფორმაციას პარლამენტის პრესსამსახური ავრცელებს.