ბიძინა გიორგობიანი „ნაცმოძრაობაზე“: მათ არსებობას გამოხატავს ის, რაც სოციალურ ქსელში გამოაქვეყნა სააკაშვილმა - გარდაცვლილი პატრიარქის, ეკლესიის შეურაცხყოფა

მათ არსებობას გამოხატავს ის, რაც სოციალურ ქსელში გამოაქვეყნა სააკაშვილმა - გარდაცვლილი პატრიარქის, ეკლესიის შეურაცხყოფა, - განაცხადა „ერთიანი ნეიტრალური საქართველოს“ პოლიტიკურმა მდივანმა ბიძინა გიორგობიანმა „დღის ქრონიკაში“ „ნაცმოძრაობის“ მისამართით.

წამყვანმა ჰკითხა, როგორ აფასებს ანტიეკლესიურ კამპანიას, რომელიც პატრიარქის გარდაცვალების შემდეგ აქტიურ ფაზაშია.

„ალბათ ყველას ახსოვს არაფხიზელ მდგომარეობაში, ნარკოტიკული თრობის ქვეშ ეს [მიხეილ სააკაშვილი] როგორ მივიდა და ჩაჯდა პატრიარქის სავარძელში. ეს იქნებოდა სადღაც 2009, თუ 2010 წელი. „ნაციონალური მოძრაობის“ ტიპური ქცევის წესია ეს. მათ არსებობას გამოხატავს ის, რაც სოციალურ ქსელში გამოაქვეყნა სააკაშვილმა - გარდაცვლილი პატრიარქის, ეკლესიის შეურაცხყოფა. მართლმადიდებლობის, ეკლესიის წინააღმდეგ ბრძოლა, რაც მათთვის ჩვეულია. რაც წლების განმავლობაში უკეთებიათ, იმავეს აგრძელებენ. სააკაშვილის ეს განცხადება არც ჩემთვის და არც ჩვენი მეგობრებისთვის რაიმე ახალი არაა“, - აღნიშნა გიორგობიანმა.