გიორგი ვოლსკი: რამდენჯერაც მოხდა ნებისმიერი საკითხის განხილვა სტრასბურგის სასამართლოს დონეზე, იმდენჯერ დადასტურდა, რომ ყველა გადაწყვეტილება, რომელსაც საქართველოს მართლმსაჯულება იღებს, არის სწორი
პროპაგანდას ის მიზანი აქვს, თითქოს საქართველოს მართლმსაჯულებამ დაარღვია საერთაშორისო სასამართლოს გადაწყვეტილება, რაც აბსურდია. ეს არ მომხდარა, - განაცხადა საქართველოს პარლამენტის პირველმა ვიცე-სპიკერმა. გიორგი ვოლსკი გამოეხმაურა აზერბაიჯანელი ჟურნალისტის, აფგან სადიგოვის დაკავებასთან დაკავშირებით ოპოზიციის ბრალდებებს.
„რამდენჯერაც მოხდა ნებისმიერი საკითხის განხილვა სტრასბურგის სასამართლოს დონეზე, იმდენჯერ დადასტურდა, რომ ყველა გადაწყვეტილება, რომელსაც საქართველოს მართლმსაჯულება იღებს, არის სწორი, გამართლებული და საერთაშორისო სტანდარტებთან შესაბამისი. თუკი სასამართლოს ნებისმიერი გადაწყვეტილების მიმართ აქვთ დაპირისპირება, უნდა ვიცოდეთ, რომ ეს არის მხოლოდ იმიტომ, რომ როგორმე სახელმწიფოს მართვის ამ რგოლის დისკრედიტაცია მოახდინონ“, - განაცხადა ვოლსკიმ.
შინაგან საქმეთა სამინისტრომ აფგან სადიგოვის საქმესთან დაკავშირებით 5 აპრილს განცხადება გაავრცელა.
იმედი
წყარო: imedinews.ge