„ექსპო ბათუმი 2026“-თან დაკავშირებით ტურიზმის ფაკულტეტის სტუდენტების შეკითხვებს თურქეთ-საქართველოს ბიზნეს საბჭოს თავმჯდომარემ, ოსმან მჟავანაძემ უპასუხა

„ექსპო ბათუმი 2026“ - სტუდენტების პროფესიული განვითარების ახალი ეტაპია.

„რა არის „ექსპო ბათუმი 2026“ და რატომ არის იქ სტაჟირება განსაკუთრებული შესაძლებლობა, ამასთან დაკავშირებით ტურიზმის ფაკულტეტის სტუდენტების შეკითხვებს DEIK-ის (თურქეთის საგარეო ეკონომიკური ურთიერთობების საბჭო) თურქეთ-საქართველოს ბიზნეს საბჭოს თავმჯდომარემ, ოსმან მჟავანაძემ უპასუხა. შეხვედრა ბათუმის უნივერსიტეტის, ექსპო ბათუმისა და თურქეთ-საქართველოს ბიზნეს საბჭოს ორგანიზებით გაიმართა.

„პროგრამის მთავარი მიზანია სტუდენტების პროფესიული უნარების განვითარება და უნივერსიტეტში მიღებული თეორიული ცოდნის რეალურ სამუშაო გარემოში ინტეგრირება.

რას მისცემს „ექსპო ბათუმი 2026“-ზე პრაქტიკის გავლა ჩვენს სტუდენტებს? სტაჟირების დასრულების შემდეგ მონაწილეები შეძლებენ:

სიღრმისეულ ანალიზს: ტურიზმის ორგანიზაციების მართვის პრინციპებისა და შრომის ბაზრის ტენდენციების გააზრებას; კრიტიკულ აზროვნებას: რთულ და არაპროგნოზირებად გარემოში პრობლემების იდენტიფიცირებასა და არგუმენტირებული დასკვნების ჩამოყალიბებას; ინოვაციურ მიდგომებს: პრაქტიკული პროექტების განხორციელებას, სერვისების გაუმჯობესებასა და ეფექტიანი კომუნიკაციის დამყარებას; გუნდურ მუშაობას: პროფესიული ეთიკის დაცვით, გუნდში ეფექტიანად მუშაობასა და პასუხისმგებლობის გაზიარებას;

მდგრად განვითარებას: ტურიზმის მდგრადი განვითარების ინოვაციური მიდგომების დანერგვის ხელშეწყობას. და ბოლოს... პროგრამის კულმინაცია: სტაჟირების წარმატებით დასრულების შემდეგ, მონაწილეებისთვის დაგეგმილ დაუვიწყარ ექსკურსია თურქეთში თავად ბატონი ოსმან მჟავანაძე უხელმძღვანელებს, რაც სტუდენტებისთვის თურქეთ-საქართველოს ბიზნეს-ურთიერთობების უშუალოდ გაცნობისა და უდიდესი გამოცდილების მიღების შანსია“, - აცხადებენ ბათუმის უნივერსიტეტში.