აბას არაღჩი: ირანი ამერიკისგან განსხვავებით თავის სიტყვას ასრულებს

ირანის საგარეო საქმეთა მინისტრი აბას არაღჩი აშშ-ის მიერ ისლამური რესპუბლიკის წინააღმდეგ დაწესებულ ახალ სანქციებს სოციალურ ქსელ X-ში გამოეხმაურა და აღნიშნა, რომ ამერიკა ურთიერთგაგების მემორანდუმით გათვალისწინებულ ვალდებულებებს არ ასრულებს.

ამერიკისგან განსხვავებით, ირანი თავის ვალდებულებებს ასრულებს, აღნიშნავს არაღჩი.

„ირანმა ამ დრომდე შეასრულა თავისი სიტყვა, ე.წ. აშშ-ის ხაზინის მდივნისგან განსხვავებით, რომელიც მემორანდუმის მე-9 პუნქტს არღვევს. ეს დარღვევა შეერთებული შტატების მხრიდან სხვა დარღვევებსა და მცდარ ნაბიჯებს მოჰყვა. რეალობის შემოწმება: შესაძლებელია მხოლოდ ორმხრივი ვალდებულებების შესრულება“, - დაწერა არაღჩიმ.

ცნობისთვის, აშშ-ის პრეზიდენტის დონალდ ტრამპის ადმინისტრაციამ ირანს ახალი სანქციები გუშინ დაუწესა, რაც მიმდინარე კვირის დასაწყისში ჰორმუზის სრუტეში ირანის მიერ კომერციულ გემებზე განხორციელებულ თავდასხმებს მოჰყვა.

Iran has so far kept its word, unlike the so-called U.S. Treasury Secretary who is violating Para 9 of the MoU. That violation follows other violations and missteps by the United States. Reality check: There can only be mutual compliance. — Seyed Abbas Araghchi (@araghchi) July 11, 2026