ახიმ კელერი: საქართველო სუვერენული სახელმწიფოა და საქართველოს მოქალაქეებმა თავად უნდა გადაწყვიტონ რა სურთ

საქართველო სუვერენული სახელმწიფოა და საქართველოს მოქალაქეებმა თავად უნდა გადაწყვიტონ რა სურთ, - განაცხადა ევროპის საბჭოს საპარლამენტო ასამბლეის წარმომადგენელმა ახიმ კელერმა.

მისი თქმით, საქართველო არ უნდა მოექცეს ევროკავშირის ან მეზობელი ქვეყნების მხრიდან ზედმეტად ძლიერი გავლენის ქვეშ.

„საქართველო სუვერენული სახელმწიფოა და საქართველოს მოქალაქეებმა თავად უნდა გადაწყვიტონ რა სურთ. სწორედ აქ არის ის ადგილი, სადაც შეიძლება მოიძებნოს გადაწყვეტილებები საქართველოსთვის, მთელი ევროპისა და მსოფლიოსთვისაც. არ უნდა მოხდეს ევროკავშირის ან მეზობელი ქვეყნების მხრიდან ზედმეტად ძლიერი გავლენის ქვეშ მოქცევა. დღეს უკვე გერმანიაშიც გვაქვს ისეთი შემთხვები, როდესაც გერმანიის ყველაზე დიდი ან ყველაზე ძლიერი პარტია „ალტერნატივა გერმანიისთვის” პოლიტიკის მრავალ სფეროში იზოლირებულია და გარკვეული პოზიციების წარმოდგენის შესაძლებლობა არ ეძლევა”, - აღნიშნა ახიმ კელერმა.