აკაკი ალადაშვილი ნორვეგიის ელჩის ოპოზიციის ლიდერებთან შეხვედრაზე: როდესაც ასეთ შეხვედრებს საზოგადოებას უმალავენ, ნათელია, რომ ისინი გარკვეულ დავალებებს იღებენ, რომელიც არ სურთ საზოგადოებამ გაიგოს

ნორვეგიის ელჩთან გვარამია-ჯაფარიძის ფარულ შეხვედრას „ქრონიკასთან“ საუბრისას საპროცედურო საკითხთა და წესების საპარლამენტო კომიტეტის თავმჯდომარის პირველი მოადგილე, აკაკი ალადაშვილი გამოეხმაურა.

მისი თქმით, როდესაც ასეთ შეხვედრებს საზოგადოებას უმალავენ, ნათელია, რომ ისინი გარკვეულ დავალებებს იღებენ, რომელიც არ სურთ საზოგადოებამ გაიგოს.

„მათ ძალიან კარგად იციან, რომ ქართველ ხალხს არ მოსწონს ის, რომ ისინი მათი და გარე ძალების ინტერესებს არ ატარებენ. ეს რომ დასავალი არ ჰქონდეთ, ეს შეხვედრა ღია და საზოგადოებისთვის ნათელი იქნებოდა. როდესაც ასეთ შეხვედრებს საზოგადოებას უმალავენ ნათელია, რომ ისინი გარკვეულ დავალებებს იღებენ, რომელიც არ სურთ, რომ საზოგადოებამ გაიგოს“, - აღნიშნა ალადაშვილმა.

„ქრონიკის“ ექსკლუზიური ინფორმაციით, ნიკა გვარამია და ზურა ჯაფარიძე ნორვეგიის ელჩს ფარულად შეხვდნენ. როგორც ირკვევა, ინიციატორი თავად დიპლომატი იყო.