აკაკი ალადაშვილი: სახელმწიფო დეპარტამენტის წარმომადგენლების განცხადებაში იკითხება მესიჯი, რომ ისინი მზად არიან, უნდათ ჩვენთან ურთიერთობების გაჯანსაღება და სამართლიანობის პრინციპებზე დაფუძნებული ურთიერთობების დამყარება. არაერთხელ აღგვინიშნავს, რომ ჩვენ ამისთვის მზად ვართ

სახელმწიფო დეპარტამენტის წარმომადგენლების განცხადებაში იკითხება მესიჯი, რომ ისინი მზად არიან, უნდათ ჩვენთან ურთიერთობების გაჯანსაღება და სამართლიანობის პრინციპებზე დაფუძნებული ურთიერთობების დამყარება, - განაცხადა გადაცემაში „დღის ქრონიკა“ საპროცედურო საკითხთა და წესების საპარლამენტო კომიტეტის თავმჯდომარის პირველმა მოადგილე აკაკი ალადაშვილმა.

მისი თქმით, მმართველ გუნდს არაერთხელ აღუნიშნავს, რომ ამისთვის მზად არიან.

„ცოტა შორიდან დავიწყებ, მინდა საზოგადოებას შევახსენო, ამერიკის შეერთებული შტატების წინა ადმინისტრაციამ თუ რამდენად მძიმე მემკვიდრეობა დაუტოვა ახლანდელ ადმინისტრაციას საქართველოსთან ურთიერთობების კუთხით. ახალი ადმინისტრაციის პირობებში ჩვენს გუნდს არაერთხელ აღუნიშნავს, რომ მზად ვართ სამართლიანობის პრინციპებზე დაფუძნებული ურთიერთობების გასაახლებლად და ახალი ფურცლიდან დასაწყებად.

რა თქმა უნდა, სახელმწიფო დეპარტამენტის წარმომადგენლების განცხადებაში იკითხება მესიჯი, რომ ისინი მზად არიან, უნდათ ჩვენთან ურთიერთობების გაჯანსაღება და სამართლიანობის პრინციპებზე დაფუძნებული ურთიერთობების დამყარება. არაერთხელ აღგვინიშნავს, რომ ჩვენ ამისთვის მზად ვართ. მე ეს განცხადება პირადად მახარებს. ახლა, სიმართლე გითხრათ, ბურთი მათ მოედანზეა და ვიმედოვნებ, ეს სიტყვები გადაიქცევა კონკრეტულ ქმედებებში“, - აღნიშნა აკაკი ალადაშვილმა.

აშშ-ის სახელმწიფო დეპარტამენტი: დელეგაციამ საქართველოს მთავრობას გაუზიარა მასთან კონსტრუქციულ, მომავალზე ორიენტირებულ ურთიერთობასთან დაკავშირებით ტრამპის ადმინისტრაციის მზადყოფნა და ინტერესი სუვერენულ პარტნიორებს შორის ორმხრივ ურთიერთობებში ურთიერთპატივისცემაზე, საერთო ინტერესებსა და გულწრფელ დიალოგზე დაფუძნებული ახალი ეტაპის დაწყების შესახებ