ახალაღმოჩენილ მწერებს სახელები ტეილორ სვიფტისა და მისი ალბომების პატივსაცემად დაარქვეს

ახალაღმოჩენილ მწერების სახეობას ტეილორ სვიფტის, კიდევ სამს კი მისი ალბომების პატივსაცემად დაარქვეს სახელები. Swiftiephylus - ასე უწოდეს ბაღლინჯოების ოჯახში შემავალ მწერების გვარს, რომელიც რივერსაიდის კალიფორნიის უნივერსიტეტის მეცნიერებმა აღმოაჩინეს. მათ ამ მწერების 12 ახალი სახეობა იპოვეს, რომლებიც ავსტრალიის ტერიტორიაზე ბინადრობენ.

ოთხ ახალ სახეობას სახელი 36 წლის ამერიკელი მომღერლისა და მისი ალბომების პატივსაცემად დაარქვეს: Swiftiephylus taylorae, Swiftiephylus amator (ალბომ Lover-ის პატივსაცემად), Swiftiephylus intrepidus (Fearless) და Swiftiephylus poetorum (The Tortured Poets Department).

„როგორც ტეილორის შემოქმედების ერთგულმა თაყვანისმცემელმა, მიზანშეწონილად მივიჩნიე მისი პატივისცემა ამ ფორმით გამოხატვა და ყურადღების მიპყრობა მწერების მრავალფეროვნებაზე, რომელიც ჯერ კიდევ აღმოსაჩენია“, - განაცხადა ასპირანტმა და სამეცნიერო სტატიის თანაავტორმა სარა შრედერმა.

ეს არ არის პირველი შემთხვევა, როდესაც მეცნიერები მწერებს ტეილორ სვიფტის სახელს არქმევენ. 2022 წელს ამერიკელმა ზოოლოგებმა აღწერეს ათასფეხას სახეობა, რომელიც სვიფტის მშობლიურ შტატ ტენესიში ბინადრობს და მას Nannaria swiftae უწოდეს.