ახალგაზრდებს შორის კულტურათაშორისი დიალოგის გაღრმავების მიზნით ყვარელში საერთაშორისო ახალგაზრდული ბანაკი გაიხსნა
ახალგაზრდებს შორის კულტურათაშორისი დიალოგის გაღრმავების მიზნით ყვარელში საერთაშორისო ახალგაზრდული ბანაკი გაიხსნა. განათლების მინისტრის მოადგილემ ბაია კვიციანმა ახალგაზრდული ბანაკის პროექტის მნიშვნელობაზე ისაუბრა და განსაკუთრებული ყურადღება ახალგაზრდობის პოლიტიკის გაძლიერების კუთხით სამინისტროს მიერ განხორციელებულ აქტივობებზე გაამახვილა.
საერთაშორისო ახალგაზრდული ბანაკი, რომელსაც ახალგაზრდობის სააგენტო ახორციელებს, პირველ ნაკადს მასპინძლობს.
ბანაკში საქართველოდან, აზერბაიჯანიდან და თურქეთიდან 18-დან 29 წლამდე ახალგაზრდები მონაწილეობენ.
პროექტის მიზანია ახალგაზრდებს შორის კულტურათაშორისი დიალოგის გაღრმავება, გამოცდილების გაზიარება და გუნდური თანამშრომლობის განვითარება. პროგრამის ფარგლებში მონაწილეები ჩაერთვებიან არაფორმალური განათლების მეთოდოლოგიით დაგეგმილ ინტერაქციულ სამუშაო შეხვედრებში, ტრენინგებსა და გუნდურ აქტივობებში.
იმედი
წყარო: imedinews.ge