ახალციხე „გემოფესტს“ მასპინძლობს

ახალციხე ყველაზე გემრიელ ფესტივალს მასპინძლობს.

გასტრონომიული ფესტივალის - „გემოფესტის“ ცენტრად, რაბათის ციხის მიმდებარე ტერიტორია იქცა. ტურიზმის ეროვნული ადმინისტრაციის ორგანიზებულ ღონისძიებაზე 13 ადგილობრივი მეწარმეა წარმოდგენილი.

სტუმრებს იშვიათი და ნაკლებად ცნობილი მესხური კერძების დაგემოვნების საშუალება აქვთ.

მოწყობილია სამეწარმეო ბაზარი, აგროზონა, კვების ობიექტები და გასართობი სივრცეები პატარებისთვის, ფესტივალის მუსიკალურ პროგრამას კი დიჯეი და ბენდი გააფორმებს.