ალექსანდრე დარახველიძე საზოგადოებრივი უსაფრთხოებისა და პოლიციის აკადემიის გამომძიებელთა და პოლიციელთა საბაზისო მომზადების სპეციალური პროფესიული საგანმანათლებლო პროგრამის მსმენელებს შეხვდა
შინაგან საქმეთა მინისტრის მოადგილე ალექსანდრე დარახველიძე საზოგადოებრივი უსაფრთხოებისა და პოლიციის აკადემიის გამომძიებელთა და პოლიციელთა საბაზისო მომზადების სპეციალური პროფესიული საგანმანათლებლო პროგრამის მსმენელებს შეხვდა.
სამინისტროს ინფორმაციით, შეხვედრას პოლიციის აკადემიის რექტორი გიორგი სახოკია და აკადემიის ხელმძღვანელი პირები ესწრებოდნენ. ალექსანდრე დარახველიძე მსმენელებს სამართალდამცავ საქმიანობაში პროფესიული ცოდნისა და პრაქტიკული უნარების მნიშვნელობაზე, ასევე პოლიციელის ყოველდღიურ საქმიანობასთან დაკავშირებულ პასუხისმგებლობებზე ესაუბრა.
შეხვედრაზე ასევე ყურადღება გამახვილდა პოლიციის აკადემიის საბაკალავრო პროგრამაზე, რომლის განხორციელებაც 2027 წლიდან იგეგმება.
შეხვედრის დასასრულს, მინისტრის მოადგილემ მსმენელების კითხვებს უპასუხა და მათ მომავალ პროფესიულ საქმიანობაში წარმატება უსურვა.
იმედი
წყარო: imedinews.ge