„ალტერნატივა გერმანიისთვის“ რეიტინგმა პირველად ისტორიაში 30%-ს მიაღწია, კანცლერ ფრიდრიხ მერცის პარტიის მხარდამჭერთა რიცხვი კი,18%-მდე დაეცა

სოციოლოგიური ინსტიტუტის, Insa-ს მიერ ჩატარებული გამოკითხვის მიხედვით, ულტრამემარჯვენე პარტია „ალტერნატივა გერმანიისთვის“ რეიტინგმა პირველად ისტორიაში ქვეყნის მასშტაბით 30%-ს მიაღწია. კანცლერ ფრიდრიხ მერცის „ქრისტიან-დემოკრატიული კავშირის“ მხარდამჭერთა რიცხვი კი, რეკორდულ 18%-მდე დაეცა. გამოკითხვა გამოცემა Bild-ის დაკვეთით ჩატარდა.

„სოციალ-დემოკრატიულ პარტიას“, რომელიც ქრისტიან-დემოკრატებთან ერთად მმართველ კოალიციაში იმყოფებიან, გამოკითხულთა 14% ემხრობა. 14% ემხრობა ოპოზიციურ „კავშირ-90/მწვანეებს“. მემარცხენეებს – 10%, სარა ვაგენკნეხტსა და „თავისუფალ დემოკრატებს“ - 4%.

გამოკითხულთა 79% კანცლერ მერცის მუშაობით უკმაყოფილოა.

ამ მონაცემების მიხედვით, ორი პარტია კოალიციის ფორმირებას ვერ შეძლებს, შესაბამისად, საჭირო იქნება მესამე ძალასთან მოლაპარაკებაც.