American Music Awards 2026-ის გამარჯვებულები დასახელდნენ

ლას-ვეგასში American Music Awards 2026-ის გამარჯვებულები დასახელდნენ. ცერემონიის წამყვანი ქუინ ლატიფა იყო.

სამხრეთკორეული ბოიბენდი BTS 3 ნომინაციის ლაურეატი გახდა, მათ შორის მთავარი ჯილდოსი - „წლის შემსრულებელი“, გარდა ამისა, BTS-ის კომპოზიციამ Swim გაიმარჯვა კატეგორიაში „ზაფხულის სიმღერა“. ჯგუფმა ასევე გაიმარჯვა კატეგორიაში „საუკეთესო K-pop შემსრულებელი კაცებს შორის“.

Ejae, ოდრი ნუნა და რეი ამი - ანიმაციური ფილმიდან „კეი პოპ დემონებზე მონადირეები“ - „წლის სიმღერის“ ნომინაციის გამარჯვებულები გახდნენ კომპოზიციით Golden. მათ ასევე გაიმარჯვეს ნომინაციებში „საუკეთესო საუნდტრეკი“ და „საუკეთესო ვოკალური შესრულება“.

ამერიკელმა მომღერალმა Sombr გაიმარჯვა ნომინაციებში „საუკეთესო როკ/ალტერნატიული სიმღერა“, კომპოზიციით Back to Friends, „საუკეთესო როკ/ალტერნატიული ალბომი“ (I Hardly Knew Her), ასევე „გარღვევა როკ/ალტერნატიულ მუსიკაში“. სამ-სამი ჯილდო ასევე მიიღეს ბრუნო მარსმა, Cardi B-მ, Katseye-მ და საბრინა კარპენტერმა. ნომინაციაში „წლის ახალი არტისტი“ გამარჯვება ამერიკულ-სამხრეთკორეულმა გერლბენდმა Katseye-მ მოიპოვა.

გამარჯვებულთა სრული სიის ნახვა ამ ბმულზე შეგიძლიათ.