ანაკლიაში კულტურის სამინისტროსა და ,,შემოქმედებითი საქართველოს“ ორგანიზებით კონცერტი გაიმართა

საქართველოს კულტურის სამინისტროსა და ,,შემოქმედებითი საქართველოს“ ორგანიზებით და ზუგდიდის მუნიციპალიტეტის მერიის მხარდაჭერით, ანაკლიაში კონცერტი გაიმართა.

ღონისძიება პროექტ ,,საზაფხულო კონცერტები რეგიონებში“ ფარგლებში ჩატარდა და მასში მონაწილეობა მომღერლებმა დათუნა მგელაძემ, ნინი ქარსელაძემ და ჯგუფმა ,,ქუჩის ბიჭებმა“ მიიღეს.

„საოცარი თბილი მაყურებელი იყო მოსული. როგორც ყოველთვის, სამეგრელოს არ ეშლება სითბოს გაცემა. ერთად ვიმღერეთ, კარგი დრო გავატარეთ. ასევე ძალიან დიდი მადლობა მინდა ვუთხრა ადგილობრივ ხელისუფლებას, რომელიც დღევანდელ კონცერტს გვერდში დაუდგა და ორგანიზაციულად დაეხმარა ამ ღონისძიებას, რომ გამართულიყო“, - განაცხადა მომღერალმა ზურა ხაჩიძემ.