ანდრია ჯაღმაიძე: ერთად ვმუშაობდით კათოლიკოს-პატრიარქობის სხვადასხვა კანდიდატის ჯგუფები, რომ ყველაფერი ისეთი ყოფილიყო, რომელიც სანიმუშო იქნებოდა როგორც ეკლესიისთვის, ასევე, ერის ხალხისთვის

ერთად ვმუშაობდით კათოლიკოს-პატრიარქობის სხვადასხვა კანდიდატის ჯგუფები, რომ ყველაფერი ისეთი ყოფილიყო, რომელიც სანიმუშო იქნებოდა როგორც ეკლესიისთვის, ასევე, ერის ხალხისთვის, - განუცხადა მცხეთაში ჟურნალისტებს საპატრიარქოს საზოგადოებასთან ურთიერთობის სამსახურის ხელმძღვანელმა ანრია ჯაღმაიძემ.

მისი თქმით, სინოდის მონდომება, რომ ეკლესია ერთიანობას ინარჩუნებდეს ყველაზე რთულ პერიოდშიც კი, სამაგალითოა მთელი ერისათვის.

„საზოგადოებაში დაძაბულობაც იგრძნობოდა. როგორც აქამდე განვაცხადეთ, სინოდის ერთსულოვნება ყველასთვის თვალსაჩინო გახდა. სინოდის მონდომება, რომ ეკლესია ერთიანობას ინარჩუნებდეს ყველაზე რთულ პერიოდშიც კი, სამაგალითოა მთელი ერისათვის, არჩევნები იქნება ეს თუ აზრთა სხვადასხვაობა, შეიძლება კამათი, მაგრამ ზღვარი აქვს ყველა კამათს და გამონათქვამს.

დღეს ყველა ეპისკოპოსი ულოცავს კათოლიკოს-პატრიარქს ინტრონიზაციის დღეს. ყველა საპატრიარქო კანდიდატი და მათი მომხრეებიც არიან ერთსულოვნები და სიხარულით აღსავსენი. ერთი დეტალი მინდა გითხრათ, როცა ჩვენ დაორგანიზებაზე ვმუშაობდით, ერთად ვმუშაობდით ეს ჯგუფები, კათოლიკოს-პატრიარქობის სხვადასხვა კანდიდატის ჯგუფები, რომ ყველაფერი ისეთი ყოფილიყო, რომელიც სანიმუშო იქნებოდა როგორც ეკლესიისთვის, ასევე, ერის ხალხისთვის“, - აღნიშნა ჯაღმაიძემ.

სვეტიცხოვლის ტაძარში პატრიარქის ინტრონიზაცია დასრულდა.